Duhî şemî rêkeftî 15/01/2011 birêz Mesûd Barzanî Serokê Herêma Kurdistanê li Selahedîn pêşwazî li birêz Murad Ozçelîk Balyozê Komara Tirkiye li Iraq û Aydin Selcen Konsolê Tirkiye li Herêma Kurdistanê kir.

Di hevdîtinê de, Balyozê Komara Tirkiye li Iraq li gel pîrozkirina serkeftina kongreya 13 û hilbijartina Serok Barzanî bi Serokê Partiya Demokrata Kurdistanê, her du alî çend meseleyeke cihê giringiya hevbeş û pêwendiya du qoliyên di navbera Iraq û Tirkiye bi giştî û Herêma Kurdistan û Tirkiye bi taybetî kirin û pêşxistina warên siyasî, aborî, bazirganî û alîkariya hevbeş guftûgo kirin.

Serok Barzanî giringiya pêşxistin û geşkirina pêwendiya dostayetiya di navbera her du aliyan dûpat kir ku bi awayekî li xizmeta berjewendiya aramî û pêşkeftina tevahiya navçeyê bê.

Ji aliyê xwe ve Balyozê Tirkiye balkişand li ser giringiya rola Serok Barzanî ya li serxistina proseya siyasiya Iraqê û her wiha hewlên birêz li pêşxistina çarçêweya alîkarî û pêwendiya du qolî de bilind nirxand. Dûpat jî kir ku welatê wan herdem dixwaze ew pêwendî berfirehtir bibe.