Parêzgarê Duhokê Temer Remezan li bajarê Duhokê pêşwaziya Parêzgarê Adiyamanê (Semûr) Ramazan Sodan û şanda pê re kir.

Ci civînê de ku Cîgirê Parêzgarê Duhokê û Serokê Civata Parêzgehê amade bûn, xurtkirina têkiliyên aborî û bazirganî di navbera Herêma Kurdistan û Tirkiyeyê de hat niqaşkirin.

Li gorî nûçeya malpera Parêzgeha Duhokê, Temer Remezanê bal kişande ser girîngiya veguhertina serdanan di navbera herdu aliyan û girîngiya vekirina Serkonsolxaneya Tirkiyeyê li Hewlêrê ji bo pêşdebirina têkiliyan.

Ji bal xwe ve Parêzgarê Adiyamanê logoya parêzgehê û hinek kel û pelên folklorê Adiyamanê pêşkêşî parêzgarê Duhokê kir.

Derbarê armanca serdana xwe parêzgarê Adiyamanê xuya kir ku Hikûmeta Tirkiyeyê dixwaze têkiliyên xwe digel welatên hawirdor baş û bihêz bin û wiha domand, “Em jî dixwazin van têkiliyan di hemû waran de digel Herêma Kurdistanê bêtir pêşve bibin.”

Hêjayê gotinê ye, şanda parêzgeha Adiyamanê ya Tirkiyeyê pêk hatiye ji Parêzgar, Şaredar û Serokê Odeya Bazirganî ya Adiyamanê.

Adiyaman li başûrê rojhilatê Tirkiyeyê ye û nîştecihên wê parêzgehê piranî kurd in.

(AKnews)