Li bajarê Îskenderiyeya Misirê li ber deriyê dêrekê otomobîleke bombetêkirî hate teqandin û di encamê de 21 kesan canê xwe ji dest 43 kes jî birîndar bûn.

Berdevkê Wezareta Tenduristiyê ya Misirê Abdurehman Şahîn da zanîn, otomobîla bombetêkirî dema ku xrîstiyanên kiptî dawî li îbadeta xwe anîne û ji dêrê derketine, li ber deriyê dêrê hatiye teqandin.

Hate ragihandin teqîn di deqîqeyên destpêkê yên sala 2011ê de pêk hatiye û di nav birîndarên bûyerê jî polîs û welatiyên misilman jî hene.

Piştî teqînê di navbera misilman û xrîstiyan de pevçûnên biçûk çêbûne û polîsan navçe dorpêç kiriye.

Hêjayê gotinê ye, Rêxistina El Qaîdeya terorîst meha borî ragihandibû ew dê xrîstiyanên Misirê bike armanca xwe.

Serjimara Misirê 85 mîlyon e ji sedî 7-10ê wê xrîstiyan in.

(AKnews)