Biryar bû îro serê sibehê çalakvanên kurd ê rojhilatê Kurdistanê Hebîbulla Letîfî bê bi darvekirin, lê belê ew biryar hate rawestaidin. Sekinandina wê biryarê di encama hewl û daxwaza serok Talebanî bû ku ji rayedarên komara Îslamî a Îranê kir ku wê sizayê rawestîne, aliyên mirovî di wê biryarê de bê liberçavgirtin û carek din pêdaçûn di wê sizayê de bê kirin.

Herî dawî hewlên serok Talebanî serkeftî bûn û vê sibehê malbata Letîfî hatin agahdarkirin ku sizayê Hebîbulla Letîfî hatiye sekinandin û malbata wî jî bi wê nûçeyê gelek dilşad û kêfxweş bûn û bi dîtina Hebîbulla şad bûn. Di heman demê de spasiya wê hewla mirovî a serok Talebanî kirin.

Hêjayê gotinê ye berê jî serok Talebanî ku peymannameya cîhanî a rakirina sizayê îdamê îmza kiriye, ji bo sekinandina hukmê îdamê ê çend kurdên din yên Îranê, çend hewlên din bi heman awayî dabûn. PUKmedia