Cihgirê serokê Partîya Demokrata Kurdistanê Nêçîrvan Barzanî, pêşwazîya wezîra perwerdeyê ya Turkiye û şandeya pê re kir.


Nêçîrvan Barzanî duh pêşwazîya wezîra perwerdeyê ya Turkiye Ni`met Çubukçû û şandeya pê re kir.

Ni`met Çubukçû di evê dîdarê de, behsa serdana xwe ya ber bi herêma kurdistanê ve û serdana dam û dezgehên perwerdeyî yên herêma kurdistanê kir.

Di evê dîdarê de behsa pêşkevtinên aborî û perwerdeyî yên herêma kurdistanê hat kirin û Ni`met Çubukçû pesnê evan pêşkevtinan da.

Ni`met Çubukçû weha jî da xuyakirin, ku xwendevanên kurd ên herêma kurdistanê, dikarin xwendina xwe li zankoyên Turkiye berdewam bikin.

Cihgirê serokê PDK Nêçîrvan Barzanî jî, şadbûna xwe ji bo serdana Ni`met Çubukçû ya ber bi herêma kurdistanê ve da nîşandan û got, ku dê ev serdana han peywendîyên navbera herdu welatan xurttir bike. PNA