Li bajarê Hewlêrê li taxa Enkawayê Berhem Salih serokê hikûmeta herêma Kurdistanê digel wezîrê rewşenbîrî û gêncan beşdarî di behiya qurbaniyên dêra Sîde Necat ku roje yekşemiya çûyî li Bexdayê bibû armanca terorîsatna û bi dehan hevwelatiyên mesîhî têde hat kuştin û birîndar kirin, kir.

Berhem Salih li ser navê hikûmeta herêma Kurdistanê sersaxî pêşkeşî malbatên qurbnaiyên dêra Seyde necat kir û dilgiratniya xwe li hember wê kiryara terorîstî bo ser cîyên pîrozên mesîhiyan diyar kir û got:

- Ew tawan ne bi tenê li dijî xwîşk û birayên me yên mesîhî ye, lê ew tawan li dijî hemû gelên Îraq û herêma Kurdistanê ye. Hevwelatiyên mesîhî xwîşk, bira, kesûkar û dostên me ne. Li herêma Kurdistanê em bi yek çav li hemû aliyan dinêr in û em cudahiyê naxib di navbera ol, mezheb û neteweyan de.

- Herêma Kurdistanê herêmeker azad û aram e, vê yekê jî wisa kiriye ku hemû ol û netewe li herêma Kurdistanê azad bin û tu tirs li ser netewe û pêkhatên din li herêma Kurdistanê nebe. Hemû ew hevwelatiyên ji tirsa teror û şidetê ji deverên din yên Îraqê ber bi herêma Kurdistanê hatine, ser û malê wan parastiye û hurmet jê re hatiye girtin

Ji aliyê xwe ve serokê kenîsa siryanî-kasolîkî li Enkawayê li ser navê xwe, kenîseyê û tevaya mesîhiyên Enkawa sipasî berhem Salih serokê hikûmeta herêma Kurdistanê kir û got em dizanin ku ev karesat bi tenê bi serê mesîhiyan de nehatiye lê ew karesat bi ser tevaya xelkê Îraq û Kurdistanê de hatiye.

Serokê kenîsa siryanî-kasolîkî li Enkawayê beşdariya serokê hikûmetê di taziyê de bilind nirxan dû got ku ev nîşana wefadarî û hevsoziya hikûmetê ye bo mesîhiyan û hikûmeta herêma Kurdistanê di warê parastina mal û canê mesîhiyên Kurdistanê de kêmasî nekiriye.