Roja şemiyê rêkeftî 16-1-2011ê li gundekê ser bi qezaya Pêncwînê a Silêmaniyê di rewşeke nediyar de keçeke xwendekar a 14 salî xwe kuşt. Paşê cenazeyê wê ji bo lêkolînê ji nexweşxaneya Giştî a Şehîdanê a qezayê û paşê jî ji Silêmaniyê re hate rêkirin.

Di vê mijarê de rêvebirê polîsê Pêncwînê Hîwa Sidîq Mihemed ragihand, piştî ku em hatin agahdarkirin, derhal em gihîştin cihê bûyerê û got: “Ew keç ku 14 salî ye, di mala xwe de bi gulleya tapirê hatiye kuştin û derhal jiyana xwe ji dest daye. Cenazeyê wê destpêkê ji nexweşxaneya Giştî a Pêncwînê û paşê jî ji Silêmaniyê re hate rêkirin.”

Mihemed her wiha got: “Li gor îfadeyên dayîk û bavên wê keçikê, wê bi xwe xwe kuştiye, lê belê di encama lêkolînên destpêkê de guman li întîhara wê tê kirin.” PUKmedia