Bo bîranîna 32 saliya raperînê peyamek belav kir.

Serok Barzanî bi minasebeta 32mîn salvegera raperîna mezin ya gelê Kurdistanê peyamek belav kir ku, ev jî tekesta vê peyamê ye;

Bi minasebeta 32mîn salvegera raperîna mezin ya gelê Kurdistanê pîrozbayî li malbetên serfiraz yên şehîdan, pêşmergeyên qehreman, tevahiya xebatger, azadîxwaz, nîştimanperweran û tevahiya gelê Kurdistanê dikim.

Raperîn di siya îradeya azadîxwaz ya gelê Kurdistanê, qehremaniya pêşmerge, plan û yekrêziya navbera aliyên beşdar di nava tevgera rizgarîxwaz ya Kurdistanê hate holê û biser ket.

Raperîn ev rastiya han bo dost û dijmin îsbat kir ku, stemkarî û tirsandin ti carî nikarin îradeya azadîxwazî ya gelê Kurd ji nav bibin.

Raperîn helgirê buha û armancên bilind bû, bo vê yekê bû ku, gelê Kurd azad be û di nava welatê xwe de bi serfirazî bijî.

Di bîranîna raperînê de hezaran silav bo rihê şehîdên raperînê û tevahiya şehîdên rêya rizgariya Kurdistanê, dişînin û tekez li ser vê yekê dikin ku, herêma Kurdistanê yaku, yek ji berhemên raperîna xelkê Kurdistanê û destkeftiyeke dîrokî û bêhempa ya gelê Kurdistanê ye, lazime parastî be û were bihêztir kirin, nabe bi ti awayî hewl bo lawaz kirina ev armanc û buhayan were dayîn ku, gelê Kurdistanê bo wan raperîn kiriye.