Di daxuyaniya hevpar a ku ji aliyê Serokê Rûsyayê Vladimir Putin û Serokê Amerîkayê Joe Biden ve hat weşandin de, hat diyarkirin ku di şerê nukleerê de dê ti aliyek bi ser nakeve û dilsoziya xwe ya ji bo qet destpênekirina şerekî wusa hat dubarekirin.

Serokê Rûsyayê Vladimir Putin û Serokê Amerîkayê Joe Biden,  li nêzîkî Gola Cenevreyê, li parka herî mezin a bajêr Villa La Grange civiyan.

Putîn ragihand ku Rûsya û Amerîkayê li hev kirine ku balyozên hev vegerînin ser karûbarên xweyên dîplomatîk.

Danûstendin ji sê beşan pêk hat. Wekî ku berê jî hatibû diyarkirin, civînek çapemeniyê ya hevpar nehat lidarxistin. Civîna Çapemeniyê ya Putîn berî ya Biden bû. Hevpeyivîn tevî bêhnvedanan bi temamî 3 demjimêr berxwe da.

Daxuyaniya hevpar

Kremlîn daxuyaniya hevpar a ku piştî hevdîtina Putin û Biden li Cenevreyê li ser hatibû lihevkirin belav kir.

Di daxuyaniyê de, hate diyarkirin ku Rûsya û DY nîşan didin ku di demên tengasiyê de jî, ew dikarin ber bi armancên hevpar ve pêşve biçin ku ewlehiya pêşbînîkirinê li devera stratejîk, kêmkirina metirsiyên şerê çekdarî û xetereya şerê nukleerê.

Di daxuyaniyê de hat destnîşankirin ku Peymana Kêmkirina Çekên Stratejîk ên Nû di navbera Amerîka û Rûsyayê de vê dawiyê hate dirêj kirin, daxuyaniyê wiha got, "Dirêjkirina DESTPKA Nû şahidiya dilsoziya me ya ji bo kontrolkirina çekên nukleerî ye. Em soza xwe dubare dikin."

Dirêjkirina Peymana Kêmkirina Çekên Stratejîk ên Nû, şahidiya dilsoziya me ya ji bo kontrolkirina çekên nukleerî ye. Îro, di şerê nukleerê de dê ti aliyek bi ser nakeve  serkeftî çênebe û dilsoziya xwe ya ji bo qet destpênekirina şerekî wusa hat dubarekirin.”

Di daxuyaniyê de hate diyarkirin ku dê di demek kurt de şêwirmendiyên berfireh ên di navbera Rûsya û Amerîkayê de dest pê bikin da ku van armancan pêk bînin û wiha berdewam kir "Dê li ser aramiya stratejîk diyalogek dualî ya saxlem, xurt û berfireh were destpêkirin. Bi saya vê diyalogê, em dixwazin bingehê ji bo pêşeroja kontrola çekan û tedbîrên kêmkirina metirsiyê bavêjin."

Putin: Civîn pir erênî bû

Piştî zîrveyê Serokê Rusya Putin daxuyaniyek da û got ku hevdîtina wî ya bi Serokê Amerîkayê Biden re "pir erênî" bû.

Me bi Biden re di warê mijara destpêkirina şêwra

"Me bi Biden re li hev kirin ku li ser şêwra destpêkirina ewlehîya sîberê lihev kir. Ev pir girîng e." Putin ragihand bi Biden re li hev kirine ku balyozên Rûsya û Amerîkayê yên ku ji bo şêwirmendiyê hatin paşvegerandin, ji nû ve vegerin ser postên xwe.

Putin got ku dibe ku li ser radestkirina girtiyên hemwelatiyên Dewletên Yekbûyî hin tawîz bên dayîn.

Biden: Min fikarên xwe yên di derbarê mafên mirovan de anî ziman

Serokê Amerîkayê Joe Biden jî got "Min ji Putin re got ku rojeva min ne dijî Rusya an welatek din e, ew ji bo gelê Amerîkî ye.

Biden got ku wî fikarên xwe yên di derbarê mafên mirovan de ji Serokê Dewleta Rûsyayê Putin re aniye ziman û got ew ê vê bi berdewamî bîne ziman.

Biden diyar kir ku wî û Putin li hev kirine ku mekanîzmayek diyaloga aramiya stratejîk saz bikin da ku pêşî li belavbûna çekên nû û tevlihev bigire û wiha berdewam kir “Min ji Putin re got ku em ê tehemul nekin li ser hewildanên ku serweriya me ya demokratîk binpê bikin an rêza hilbijartinên meyên demokratîk têk bibin."