Mezintirîn ‘Dara Noelê’ li Hewlêrê hat danîn
Şaredarê Taxeya Ankawa ya Hewlêrê Cewher Toma Yûsif der barê cejna Jidayîkbûna Îsa de ji Rûdawê re wiha axivî: “Bi boneya salhatina jidayîkbûna peyxamber Îsa di asta Rojhilata Navîn de mezintirîn dara Noelê li derwazê Ankawa hat danîn.”
Şaredar Yûsif diyar kir ku bilindahiya dara ‘Sersala Nû’ ya 9 metirî bi hevkariya şîrketa ‘Wide Biro’ ya Lubnanî û ‘Burc 4’ ev dara danîne.
Şaredarê Ankawa Cewher Toma Yûsif der heqê amadekariyên ji bo sersalê de got: “Di bernameya me de hebû ku Bava Noel li xelkê diyariyan belav bike, ji bo hemwelatiyan xwaringeh û kafeterya wê şevê bêpere bin û hinek amadekariyên din ji ber derengmayîna butçeyê em nikarin cîbicî bikin.”
Mezintirîn Dara Dayîkbûnê ya 13 metirî di sersala par de li Dubeyiyê hatibû danîn.
Rudaw
